13 HK Rap Up - MastaMic ( 44.1KHz,192Kbps,16KHz ) 新歌伴奏

devil.宝

曲：Big Sammy
詞：MastaMic
編：Big Sammy & DJ Galaxy
監：MastaMic, Big Sammy & DJ Galaxy

又到一年一度今日 大家等得好心急
記住有馬米就有Rap Up
一年一rap up呢個美德唔會消失
今年　rap up聽完幫手share得唔得
一講劉江點可以唔講呢　
呢句絕對係本年金句就係人都知
老表你好　捧紅　細細粒
既然細細粒都得 肥B你都一定得
香港無BIG BANG但係有港版G-DRAGON
踩唔死　　　扮權志龍結果似龍心
張家輝爆肌拍激戰搞到港男爭住練人魚線
杜汶澤為拍戲要操肌同AV女優激戰
如果要同女友表達愛意
學林峰講好愛好愛好愛好愛好愛好愛好愛BB
陳山聰慘失豪門入場券
四失烈士失業失形象失財失戀
霆鋒今年桃花真係多到你唔信
呢頭傳完Janice Man　頭又傳佢同周迅
城城同熊黛林分手
苟云慧葉熙琪邊個攻城得手
廣告都話天機不可洩漏
汪圓圓豪嫁俾蔡加讚
成功需苦幹洞房辛苦幹一晚
可惡陳豪搞掂我女神陳茵媺
鬼唔望日日飲咖啡飲到你便秘
Sammi同許志安終於將愛情圓滿
呢個時候梗係最　聽番首天生一半
王菲李亞鵬始終有緣無份
我諗王菲以後要改唱容易離婚的女人
白韻琴自爆有名無份唔算夫妻咁濟
肯定因為佢老公忙住做佢　西環契仔
迷幻超盈神情迷茫係銅鑼灣仆親
因住激親父親何鴻燊家產無得分
劉家良過身武術界失一名一代宗師
代所有　樂迷願陳僖儀Rest In Peace
粵劇名伶紅線女離世
遺下太多粵劇經典流傳後世
GEM唔支持遊戲制度都仲叫了解
但佢唔明梁振英點解要下台令人費解
7.1. 維穩show搵Mr Rubberband唱歌
下年不如請朱主席唱從不喜歡孤單一個
李純恩彈詞人唔識中文樂壇已死
我話你廣東話未講正做主持粵語已死
變形金剛都俾人收陀地
我都話古惑仔先係地上最強人間兇器
講電影一定要講狂舞派呢套傑作
多謝你　將香港　Hip Hop帶到大銀幕
Juno首次執導　殭屍成績一流
我　支持Juno永遠退居幕後
DaDa贏金像獎話有情緒病退出
潛水三個月又開記者會話復出
衝上雲霄我梗係揀做Cool魔
因為可以食女食完一個接一個
王浩信捱23巴 多　兜巴信呢個花名
真人show求愛大作戰 入面　綠魔最正
民選港姐陳凱琳促特首聽民意
王子華視帝田蕊妮視后係民意展示
TVB如果唔想大家熄電視機
我提議現場直播叻哥係將軍澳跪返屋企
May姐有請請你食雞汁雞汁唔少得
哈哈哈哈 有無人知May姐笑乜
TVB封殺壹傳媒係無限期
　TVB呢　咪叫做霸氣
ZF無正視民意無視香港電視
一句三揀二就唔發牌俾HKTV
封殺港視因素係一籃子
12萬人到政總抗議 一名中國籍男子
遲　先上岸無線成功註冊台徽
但係HKTV早過人申請遲遲唔批
拒絕發牌原因 細節不提
話行會保密原則 所以唔可以破例
以為維基會放棄搞免費電視
轉頭佢收購中國移動流動電視子公司
無　免費電視索性搞流動電視
電視新歷史今年7月1日開始
14巴港女摑到條仔跪低
為香港女士爭光 將港女威名揚威國際
潮苑牛丸冇牛肉一樣咁好味
所以海天堂龜苓膏無龜有咩咁出奇
好　　囍帖街改名做囍歡里
諗　個我想請你食包鹵味牛歡喜
尖沙咀巨型 吹氣 橡皮 黃鴨
啟發西九九唔搭八整吹氣屎同　　
Gary考獲9A狀元成績
為夢想　巴士佢寧願放棄高薪厚職
北河燒臘飯店係窮人愛心飯堂
老闆明哥用派飯為窮人送上希望
牛下女車神李慧詩成績驕人
舊年倫奧奪金今年世錦賽首奪世界冠軍
九龍城拐嬰案 原來媽媽先係真兇
忤逆仔扮孝順謀殺雙親 真相　盅
埃及熱氣球爆炸9名港人喪生
估唔到開心　旅行會遇上不幸
特首笑口噬噬對住阿基諾三世
疑似同意放低人質事件特首係吳三桂
三年　菲律賓道歉賠償隻字不提
我　發誓香港人會將公道追討到底
中港矛盾因各式紛爭日益加深
要奶粉無奶粉 香港BB無奶飲
港童想有學位讀書排隊前要拜神
無歧視新移民但綜援係屬於香港永久居民
離譜　終審 本土福利被瓜分
雙非同一簽多行係一切　起因
家是香港但而家興移民
家是香港呢句淨係　新移民
終審法院裁定變性人可結婚
希望有一日社會會接納同性婚姻
Uncle標養　隻叫Tommy　野豬仔
我都養　隻叫Tommy　小強愛搏出位
順天　貓貓被四名人渣殺害
最後判決監禁16個月係應有制裁
美國間諜斯諾登係香港現身
踢爆美國大規模監控全球網民私隱
陳振聰被判監12年衰到貼地
又話係風水師睇到人但係 睇唔到自己
港　爆電纜將軍澳線癱瘓半日
為表歉意全港乘客應該免車資三日
港　車長一路　車一路挫指甲
唔知以為車長佢秘撈係做修甲
好彩港　有品味識　我拍廣告
所以全面提升乘客　禮讓指數
ZF首設官方貧窮線
咁好清楚香港人有幾多輸係起跑　
假　1千蚊有8成像真我無擔心
因為我窮到全身加埋都冇1千蚊
ZF出雙辣招話抑壓樓價
但點解　窮人恩物仲係幾百萬標價
財爺飲咖啡睇法國電影自稱中產
我想請月入37萬　你食杏仁加個橙
國際大牌LV小器過方丈
髮型店用啡色格仔皮話要告人要賠償
李嘉誠盛傳賣百佳係為撤資走佬
我唔信你去第二度仲有皇帝你做
40日　碼頭工潮工人大罷工
97年之後工人無加過人工
老細老馮工人奉旨連續做24個鐘
點解勞工及福利局長張建宗會失蹤
李思嫣反佔中成立正義聯盟
明明成班牛鬼蛇神係邪惡軸心
愛國女神又點少得陳淨心
佢一出聲係人都想禁佢靜音
林慧思老師一時失言都係為　公道
道歉聲明後仍然慘遭愛字頭欺凌煎熬
廣播處長鄧忍光對港台辣手整治
你同我講背后無政治目的你當我弱智
前廉政專員湯顯明用公帑開餐
難怪送牛腩魚蛋佢都視作等閒
張震遠因商交所被調查辭職走人
麥齊光呃租金津貼判緩刑算你好運
陳　波同太太　家人玩囤地上新聞
醜聞冇人要處分 係咪有人包庇屬下惡行
今年最hit係隻叫路姆西　宜家公仔
下次一齊睇長毛丟梁振英路姆西
劉夢熊係周刊爆梁振英大獲
為大家揭開兔死狗烹　黑幕
政改諮詢係鳥籠不斷兜圈
有篩選　普選 即係阿爺選無我選
特首落區聽民意支持者金毛講粗口
加個丟水樽小朋友 唔通黑勢力插手
我諗我都係要收番呢番言論
費事佢又用私人名義向我發律師信
不過平心而論起碼證明為　HK Rap UP
我真係可以去到好盡
2013我推出流行反擊戰
得到各方支持同推薦感激無言
我會堅持信念 繼續散播Hip Hop理念
新　mixtape同新專輯好快同你見面